Парлумон Созишномаи алоқаи ҳавоиро ба тасвиб мерасонад

Душанбе, 30 январ.(АМИТ «Ховар», Марзия Саидова).- Лоиҳаи Қонунҳои Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи системаи иҷрои ҷазои ҷиноятӣ», «Дар бораи экспертизаи давлатии судӣ», «Дар бораи ворид намудани тағйирот ба Кодекси ҳуқуқвайронкунии маъмурии Ҷумҳурии Тоҷикистон» ва «Кодекси иҷрои ҷазои ҷиноятии Ҷумҳурии Тоҷикистон» 30 январ дар ҷаласаи Шӯрои палатаи поёнии парлумони мамлакат таҳти раёсати Шукурҷон Зуҳуров, раиси Маҷлиси намояндагони Маҷлиси Олии ҷумҳурӣ баррасӣ шуд.  Назар ба иттилои Муҳаммадато Султонов, котиби матбуотии Маҷлиси намояндагон аъзои Шӯро ҳамчунин лоиҳаи қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи аслиҳа» ва Созишнома байни Ҳукумати Ҷумҳурии Тоҷикистон ва Ҳукумати Герсогии Бузурги Люксембург оид ба алоқаи ҳавоиро муҳокима намуданд.