Прокурор ба ҳабс гирифта шуд
Душанбе, 30 январ.(АМИТ «Ховар», Лаззат Диловарзод).- Аз Агентии назорати давлатии молиявӣ ва мубориза бо коррупсияи ҶТ ба мухбири АМИТ «Ховар» иттилоъ доданд, ки Агентии мазкур нисбат ба прокурори шӯъбаи назорати тафтиши пешакии прокуратураи вилояти Суғд Меҳроҷ Бобоумаров бо моддаҳои 319 қ.4 (гирифтани пора), 36 қ.4 (шарикони ҷиноят), 320 қ.2 (додани пора ба мансабдор) ва 345 қ.3 (монеъ шудан ба татбиқи адолати судӣ)-и КҶ ҶТ парвандаи ҷиноятӣ оғоз карда, чораи пешгирӣ дар намуди ҳабсро татбиқ намудааст ва тафтишоти пешакӣ идома дорад.Ба иттилои манбаъ, Меҳроҷ Бобоумаров ҳамчун шахси мансабдор, бо истифода аз мақоми хизматӣ шаҳрванд «И» -ро, ки қаблан барои даст доштан дар ҷиноят ду сол аз озодӣ маҳрум шуда буд, ба дафтари кориаш даъват намуда, талаб кардааст, ки дар сурати додани 2 ҳазору 500 доллари амрикоӣ тавассути шиносони дар суди вилояти Суғд доштааш шикояти кассатсиониашро аз болои суди шаҳри Хуҷанд ба манфиаташ ҳал мекунад. Аммо Меҳроҷ Бобоумаров баъди гирифтани 2500 доллар ваъдаашро иҷро карда натавонист ва суди вилояти Суғд ҳукми суди шаҳри Хуҷандро 14 – уми декабри соли 2011 бетағйир ва шикояти кассатсионии маҳкумшударо беқаноат мононд. Сипас маҳкумшуда «И» маблағи додаашро бозпас гирифт. Пас аз як моҳ М. Бобоумаров шаҳрванд «И»-ро аз нав ба утоқи кориаш даъват намуда, боз ҳамон маблағро барои ҳалли кор талаб намуд. Рӯзи 14 – уми январ М. Бобомуродов дар назди мағозаи «Амид» ҳангоми гирифтани пора ба маблағи 2 ҳазор доллар аз тарафи гурӯҳи фаврии Агентии НДМ ва мубориза бо коррупсия дастгир ва 2 ҳазор доллар ҳамчун далели шайъӣ аз ӯ гирфта шуд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






