Роҳҳо таъмир мешаванд

Кӯлоб, 14 январ. (АМИТ «Ховар», С.Холов ). – Кормандони муассисаи давлатии нигаҳдории роҳҳои автомобилгарди ноҳияи Восеъ дар давоми як соли сипаригардида 273 км роҳҳои дорои аҳамияти байналмилалию ва ҷумҳуриявиро ба маблағи 86,78 ҳазор сомонӣ аз таъмири ҷорӣ бароварданд, — гуфт сардори муассисаи мазкур Қурбоналӣ Ҳикматуллоев. Муассиса барои таъмини бехатарии ҳаракати нақлиёт дар роҳҳо ва зимистонгузаронӣ ба миқдори 350 метри мукааб омехтаи қуму намак ва дигар маводи заруриро захира намудааст. Дар ин муддат таъмири асосии 1 км масофаи роҳи мошингарди Восеъ – Ховалинг ба маблағи 86 ҳазору 780 сомонӣ ба анҷом расида, таъмири ҷорӣ асосан дар роҳҳои байналмилалӣ, ҷумҳуриявӣ ва роҳҳои маҳалии Душанбе — Кӯлоб – Хоруғ, Қурбоншаҳид – Темурмалик, роҳҳои маҳалии Кадучӣ — Қайнар, Гулисой, Навкорам, Пушёни боло ва дигар гузаргоҳҳо ҷараён дорад.