Ронандагон аз маводи сӯхт шикоят доранд
Душанбе, 10 январ.(АМИТ «Ховар», Лаззат Диловарзод).- Имрӯзҳо аз сабаби камшавии маводи сӯхт на фақат нарх боло баланд мешавад, балки сифати сӯзишворӣ ҳам тағйир ёфтааст, мегӯянд ронандагон. Ба гуфти ронандаи мошини сабукрави тамғаи «Ҷип – Прадо» Алӣ Устоев, ӯ дар ҳар ду моҳ як бор аз хизматрасонии техникӣ истифода мекунад. Ин дар мавридест, ки ӯ пештар дар ду – се сол ҳам як бор аз хизматрасонии стансияҳои техникӣ (СТО) истифода намекард. Бо вуҷуди он ки дар нуқтаҳои фурӯши сӯзишворӣ навъҳои он – АИ-92, АИ -95 навишта шудаст, сӯзишвории ба фурӯш баровардашуда ба ҳар ду навъ мувофиқат намекунад, зеро кашиш ва суръати мошинҳо хеле суст шудааст,- мегӯянд ронандагон.Чунин шикоятро ронандагони минтақаи Кӯлобу Қӯрғонтеппа низ доранд. Натиҷаи санҷиши кормандони шӯъбаи Агентии стандартизатсия, метрология, сертификатсия ва нозироти савдо дар минтақи Кӯлоб гувоҳи он аст, ки барои роҳ додан ба тақаллубкорӣ «Газпромнефт» соли гузашта ба андозаи 7 ҳазор сомонӣ ҷарима шуда буд.Бино ба маълумоти Хадамоти зиддиинҳисорӣ, дар айни замон дар бозори маводи сӯзишвории Тоҷикистон ширкатҳои зиёд фаъолият доранд, ки 6 – тои он, аз қабили ҶДММ «Газпромнефт — Тоҷикистон», Ҷ ДММ «Нури Дилшод», ҶДММ «Аноҳито», «Озод Интернейшнл» дар кори ворид намудани сӯзишворӣ мавқеи бузург доранд. Акнун муайян карда мешавад, ки айб дар сӯзишвории воридшаванда аст ё фурӯшандагони он.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






