Рушди босуботи муносибатҳо миёни Тоҷикистону Чин

Душанбе, 4 январ. (АМИТ «Ховар», Дилшодаи Хайруллоҳ). –5 январи соли 2012 дар толори Донишгоҳи миллии Тоҷикистон конфронси илмию амалӣ дар мавзӯи «Рушди босуботи муносибатҳои дуҷонибаи Тоҷикистон ва Чин» бахшида ба 20 солагии истиқрори муносибатҳои дуҷонибаи Тоҷикистон ва Чин баргузор мегардад. Дар кори он намояндагони Ассотсиатсияи миллии сиёсатшиносони Тоҷикистон (АМСТ), Донишгоҳи миллии Тоҷикистон ва Сафорати Ҷумҳурии Мардумии Чин иштирок менамоянд.Тибқи барнома ироаи 10 маърӯза аз ҷониби сохторҳои таҳлилию илмӣ дар назар аст. Мақсади баргузории конфронс натиҷагирии дастовардҳои дуҷониба дар 20- соли истиқрори муносибатҳои дуҷонибаи Тоҷикистон ва Чин мебошад.