Рушди муносибатҳои байналмилалии соҳаи геология

Душанбе, 11 январ. (АМИТ «Ховар», Кристина Эрлих ). – Бахши геологияи Тоҷикистон муносибатҳои байналмилалиашро рушд мебахшад. Дар робита бо ин, Ҳукумати Ҷумҳурии Тоҷикистон Ёддошти байни Сарраёсати геологияи назди Ҳукумати ҶТ ва Хадамоти геологии Финляндияро маъқул ёфт. Дар нишасти матбуотӣ, ки 10 январ таҳти раёсати сардори Сарраёсати геологияи назди Ҳукумати ҶТ Азим Иброҳим баргузор гардид, дар ин бора сухан ронда шуд. Дар нишасти матбуотӣ ҳамчунин зикр шуд, ки мутобиқи Созишномаи байни Хадамоти геологии назди Вазорати кишоварзӣ ва захираҳои Ҷумҳурии Мардумии Чин ва Сарраёсати геологияи Тоҷикистон ҳуҷҷатҳои муштарак ҷиҳати таҳқиқи геологии минтақаҳои наздисарҳадии Тоҷикистону Чин имзо шуданд. Мувофиқи шартномаи ҳамкорӣ дар масоҳати 28 ҳазору 900 километри мураббаъ корҳои геологию кимиёвӣ анҷом ёфтанд.