Рушди саноат дар Кӯлоб

Кӯлоб, 28 январ. (АМИТ «Ховар», С.Холов ). – Соҳаи саноат дар шаҳри Кӯлоб бахши афзалиятноки пешбурди иқтисодиёт ба шумор меравад. Ташкили 22 корхонаи саноатӣ дар шаҳр дар таъмини шаҳрвандон бо ҷойҳои кории холӣ саҳми муносиб гузошт. Дар арафаи ҷашни 20- солагии истиқлолияти давлатии Ҷумҳурии Тоҷикистон ба фаъолият пардохтани боз ду корхонаи саноатӣ барои беш аз 600 нафар сокинон ҷойи кори доимӣ муҳайё намуд. Дар ин давра истеҳсоли маҳсулоти саноатӣ ба 109 миллиону 723 ҳазор сомонӣ расид ва дар аксар корхонаҳои саноатӣ барои беҳтар намудани сифати маҳсулоти ватанӣ таҷҳизоти нав васл гардид.