Сайёҳӣ ва нафъи он ба буҷаи мамлакат

Январь 9, 2012 17:16

Душанбе, 9 январ. (АМИТ «Ховар», Дилшодаи Хайруллоҳ). — Дар давоми соли 2011 ба кишвар 255 ҳазор шаҳрванди хориҷӣ ворид гаштааст, ки аз ин ҳисоб 183 ҳазор нафарашон сайёҳ мебошанд.Таҳлилҳо собит месозанд, ки дар давраи ҳисоботӣ ба ҳайси сайёҳ ба ҷумҳурии мо бештар шаҳрвандони кишварҳои Эрон, Афғонистон, Русия, Амрико, Чин, Туркия, Олмон, Ҷопон, Фаронса ва Куриёи Ҷанубӣ ташриф овардаанд. Дар маҷмӯъ, бо тариқи инфиродӣ ва гурӯҳӣ намояндагони зиёда аз 70 мамлакати дунё аз Ҷумҳурии Тоҷикистон ҳамчун сайёҳ дидан намуданд, -зикр намуд раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов.Намояндагони Кумита моҳи октябри соли 2011 дар ҷаласаи 19-уми Ассамблеяи генералии Созмони умумиҷаҳонии сайёҳии Созмони Милали Муттаҳид, ки дар шаҳри Кёнҷуи Куриёи Ҷанубӣ баргузор гардид, ширкат намуданд. Сафари котиби генералии Созмони умумиҷаҳонии сайёҳӣ Толиб Рифоҳӣ ба Тоҷикистон, ки баъди ба ин мақоми воло интихоб шудани ӯ аввалин маротиба ба вуқӯъ пайваст баҳри муаррифии мамлакат ҳамчун минтақаи сайёҳӣ ва рушди соҳаи туризм такони ҷиддӣ бахшид.Дар доираи ҳамкориҳо бо Созмони умумиҷаҳонии сайёҳӣ Тоҷикистон нахустин кишваре буд, ки бо дастгирию ҳамовозии ҳамаҷонибаи 152 кишвари аъзо бо ин созмони бонуфуз Ёддошти тафоҳум дар мавриди ҳамкорӣ дар соҳаи сайёҳиро имзо намуд. Таъкид гардид, ки аз ҳисоби миёна ба буҷаи Тоҷикистон аз ҳисоби сайёҳон 85 миллион доллари амрикоӣ ворид гардидааст.

Январь 9, 2012 17:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд