Сармоягузории 7 нерӯгоҳи хурди барқи обӣ

Душанбе, 31 январ. (АМИТ «Ховар», Лаззат Диловарзод).-Бино ба маълумоти Вазорати рушди иқтисод ва савдо дар айни замон дар қаламрави кишвар дар доираи татбиқи марҳилаи якуми барномаи сохтмони нерӯгоҳҳои хурди барқи обӣ 7 нерӯгоҳ бо иқтидори лоиҳавии 2 ҳазору 44 кВт/ соат аз ҳисоби маблағҳои Ҳукумати Ҷумҳурии Тоҷикистон, ШСХК «Барқи тоҷик» ва дигар сармоягузорони ватанию хориҷӣ идома дорад. Дар соли 2011 дар ҷумҳурӣ 30 адад нерӯгоҳи хурди барқи обӣ бо иқтидори аз 15 то 4 ҳазору 300 кВт/ соат ба истифода дода шудааст.Ба иттилои манбаъ, иқтидори умумии ин 30 нерӯгоҳ 7 ҳазору 339 кВТ/соат-ро ташкил медиҳад. Тавассути ин нерӯгоҳҳо 2 ҳазору 266 хоҷагӣ, 40 бино ва дигар иншооти маъмурӣ бо нерӯи барқ таъмин гардидааст.