Сатҳи бекорӣ коҳиш меёбад?

Душанбе, 30 январ.(АМИТ «Ховар», Марзия Саидова).-Дар ярмаркаи ҷойҳои кории холӣ, ки дар Душанбе ташкил карда шуд, 220 нафар шаҳрванд бо ҷойи кор таъмин гашта, ба 29 нафар барои омӯзиши касб роҳхат дода шуд. Ярмаркаи мазкур бо ибтикори Раёсати Агентии давлатии ҳифзи иҷтимоӣ, шуғли аҳолӣ ва муҳоҷират дар ноҳияи Сино ташкил карда шуда, дар он 95 корхонаю муассисаи пойтахт иштирок карданд. Ба корҷӯён наздик ба 2000 ҷойи кори холӣ пешниҳод гардид.