Шаҳрдорӣ тендери иловагӣ мегузаронад
Душанбе, 9 январ.(АМИТ «Ховар», Марзия Саидова).-Раиси шаҳри Душанбе Маҳмадсаид Убайдуллоев қарор ба тасвиб расонд, ки тибқи он тендери такрорӣ ҷиҳати хариди нишастгоҳҳои иловагӣ барои «Наврӯзгоҳи пойтахт» гузаронида мешавад. Дар робита ба ин дар «Наврӯзгоҳи пойтахт» 6440 нишастгоҳи иловагие, ки аз масолеҳи оҳанини зудҷамъшаванда таҳия шудааст, насб мегардад.Тибқи ин қарор Комиссияи тендерӣ таъсис дода шуда, мутобиқ ба талаботи санадҳои меъёрии ҳуқуқии амалкунандаи Ҷумҳурии Тоҷикистон баргузорӣ ва ҷамъбасти озмуни такрории харидро бо иштироки маҳдуди довталабон таъмин менамояд. Тендер 12 январи соли 2012 дар Раёсати сохтмони асосии шаҳри Душанбе, воқеъ дар кӯчаи Неъмат Қарабоев-24 гузаронида мешавад.Бояд тазаккур дод, ки «Наврӯзгоҳи пойтахт» дар ҷои собиқ Ипподроми Душанбе дар масоҳати қариб 28 гектар бунёд шудааст. Иншоот пурра бо маблағи беш аз 30 миллион сомонӣ аз буҷаи шаҳри Душанбе сохта шуда, дорои 7 ҳазор ҷои нишаст аст. Дар атрофи «Наврӯзгоҳи пойтахт» дар масоҳати 15 гектар бунёди боғ шурӯъ гардидааст. Соли равон ҷашни байналмилалии Наврӯз дар Тоҷикистон маҳз дар «Наврӯзгоҳи пойтахт» бо иштироки сарони кишварҳои форсизабон –Тоҷикистон, Афғонистон, Эрон ва давлатҳое, ки Наврӯзро таҷлил менамоянд, дар сатҳи баланд ва бо шукӯҳи хоса истиқбол мегардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






