Шумораи мухлисони театр меафзояд

Кӯлоб, 31 январ. (АМИТ «Ховар», С.Холов ). – Фаъолияти хуби театри вилоятии мусиқию мазҳакавии ба номи Сайдалӣ Вализодаи шаҳри Кӯлоб дар соли 2011 шумораи тамобинонашро зиёд намуд. Бояд қайд намуд, ки баъди бозсозии бинои театр дар арафаи 2700 -солагии шаҳри Кӯлоб шароити корӣ ва муҳити эҷодии ҳунармандон беҳтар шуд ва пайваста намоишномаҳои ҷолиб рӯи саҳна меоянд. Дар ин театр беҳтарин ҳунармандон фаъолият доранд ва дар офаридани нақшҳо маҳорати волои касбӣ нишон медиҳанд. Ба намоишномаҳо ҳунармандони ҷавон низ ҷалб карда мешаванд. Аҳли театр мақсад доранд дар соли 2012 намоишномаҳои беҳтарини хешро ба сокинони кишвар пешкаш намоянд.