Сифати маҳсулот назорат карда мешавад

Кӯлоб, 23 январ. (АМИТ «Ховар», С.Холов ). –Кормандони шӯъбаи нозироти савдои раёсати стандартизатсия, метрология, сертификатсия ва нозироти савдои минтақаи Кӯлоб дар давоми соли сипаригардида дар 610 нуқтаи савдо ва хӯроки умумӣ санҷиш гузарониданд, ки нисбат ба соли 2010 – ум 250 адад зиёд мебошад,- гуфт зимни нишасти матбуотӣ сардори раёсати мазкур Ҳикматулло Сафаров. Барои ислоҳи камбудиҳои ҷойдошта 122 амрияи ислоҳотӣ ва 94 амрияи манъи фурӯш бароварда шуда, барои риоя накардани қоидаҳои савдо ба 80 соҳибкори нуқтаҳои савдо, хӯроки умумӣ ва нуқтаҳои фурӯши сӯзишворӣ дар асоси Кодекси ҳуқуқвайронкунии маъмурии ҶТ ба маблағи 21 ҳазору 475 сомонӣ ҷарима муқаррар гардид.