Системаҳои таъмини об барқарор карда мешаванд

Душанбе, 17 январ. (АМИТ «Ховар», Кристина Эрлих). – Бо дастгирии мустақими Ҳукумати ҶТ ва сармояҳои Бонки аврупоии бозсозӣ ва тавсеъа (БАБТ) татбиқи лоиҳаи «Барқарорсозии системаҳои таъмини оби шаҳрҳои ҷанубии Тоҷикистон» идома дорад. Аз хадамоти матбуоти Корхонаи воҳиди давлатии «Хоҷагии манзилию коммуналӣ» дар ин бора ба хабарнигори АМИТ «Ховар» хабар доданд.Мувофиқи суханони манбаъ, лоиҳаи мазкур дар шаҳрҳои Кӯлоб, Қӯрғонтеппа ва Данғара роҳандозӣ мешавад, ки барои он Бонки аврупоии бозсозӣ ва тавсеъа беш аз 6 миллион сомонӣ ҷудо кардааст. Дар доираи татбиқи лоиҳа ҷиҳати хариди мошину механизмҳо аллакай 19 адад мошину механизмҳои махсус дастрас шудааст.