Системаи нави бақайдгирӣ дар фурудгоҳ

Душанбе, 23 январ. (АМИТ «Ховар», Кристина Эрлих).- Ба манзури беҳдошти сифати хидматрасонии мусофирон дар Фурудгоҳи байналмилалии шаҳри Душанбе системаи нави автоматии ба кайдгирии мусофирон ва бағоҷи онҳо (DSC «Астра») ҷорӣ карда шуд. Бинобар ҷорӣ гардидани усули фурӯши чиптаи электронӣ чунин системаи автоматӣ аҳамияти хоса пайдо кардааст. Дар фурудгоҳ насб намудан ва мавриди истифода қарор додани дастгоҳҳои системаи DSC «Астра» имкон медиҳад, ки усули бо шакли электронӣ ба қайдгирии мусофирон ва бағоҷи онҳо ташкил карда шавад.Директори генералии ҶС «Фурудгоҳи байналмилалии Душанбе» Рустам Холиқов дар нишасти матбуотӣ аз рӯи натиҷаи фаъолият тайи соли 2011, ки имрӯз, 23 январ, баргузор гардид, дар ин бора хабар дод.Дар нишасти матбуотӣ ҳамчунин қайд шуд, ки дар системаи бақайдгирӣ тағйирот ворид гардид. Дар Фурудгоҳи байналмилалии шаҳри Душанбе системаи нави кортӣ ҷорӣ гардид, ки мутобиқ ба стандартҳои ҷаҳонӣ буда, имкон медиҳад, ки назорат, сифат ва самарабахшии кори хадамоти фурурдгоҳ баланд бардошта шавад.