Сиёсати экологӣ дар сатҳи байналмилалӣ

Душанбе, 18 январ. (АМИТ «Ховар», Лаззат Диловарзод).- Роҳбарияти Кумитаи ҳифзи муҳити зист дар давоми моҳҳои январ – декабри соли 2011 бо намояндагони зиёда аз 41 созмони байналмилалӣ ва сафоратхонаҳо мулоқот доир намуданд. Аз ҷумла, дар давоми моҳҳои январ – декабри соли 2011 бо намояндагони Барномаи Рушди СММ, Агентии Ҷопон оид ба ҳамкориҳои байналмилалӣ (JICA), Созмони амният ва ҳамкорӣ дар Аврупо (САҲА), GIZ, МАГАТЭ, Донишгоҳи СММ, ЮНЕСКО, сафирону кормандони дигар сафоратхонаҳо вохӯрӣ анҷом доданд. Мақсад аз ин вохӯриҳо, вусъат додани ҳамкориҳо оид ба масъалаҳои ҳифзи муҳити зист, таҳияи лоиҳаҳо ва татбиқи онҳо дар ин самт буд. Бо ташаббуси кумита як қатор чорабиниҳои байналмилалӣ, аз ҷумла ташкили экспедитсияи комплексии байналмилалӣ дар болооби дарёҳои Вахш ва Панҷ, баргузории конфронс дар мавзӯи «Тағйирёбии иқлим ва хавфи офатҳои табиӣ дар минтақаҳои кӯҳистон» ва гузаронидани семинар оид ба масъалаҳои «Имкониятҳои рушд, ҳифз ва идоракунии олами ҳайвоноту набототи Помир» гузаронида шуд, ки онҳо бозгӯкунандаи сиёсати экологии Тоҷикистон дар сатҳи байналмилалӣ буданд.