«Созандагони Ватан» қатли «Бобои барфӣ»-ро маҳкум мекунад

Январь 3, 2012 17:05

Душанбе, 3 январ. (АМИТ «Ховар», Дилшодаи Хайруллоҳ). – Санаи 3 январи соли 2012 мачлиси фаврии Шӯрои Марказии ТҶҶ «Созандагони Ватан» баргузор гардид, ки дар он масъалаи қатли ҷавони 24-сола Парвиз Давлатбеков мавриди баррасӣ қарор гирифт. Раиси ташкилоти мазкур Адҳам Мирсаидов зикр дошт, ки ҳодисаи мазкур аз ҷониби ҷавонон ташкил шуда, ҷабрдида низ ҷавон аст, мо бетараф шуда наметавонем ва аз ин хотир аз номи ташкилоти худ изҳорот қабул намуда, ҳодисаи мазкурро маҳкум менамоем. Дар поёни маҷлис изҳорот қабул шуд, ки дар он аз ҷумла омадааст: Ташкилоти ҷамъиятии ҷавонон «Созандагони Ватан» ҳодисаи нохушеро, ки аз ҷониби гурӯҳи ҷавонон дар шаби Соли нав дар ноҳияи Синои шаҳри Душанбе ба вуқӯъ пайваста, дар натиҷа ҷони як нафар ҷавони 24-сола Парвиз Давлатбековро рабуд, маҳкум намуда, аз ҷавонони бонангу номус даъват меорад, ки ҳамеша муттаҳид бошанд ва нагузоранд, ки дар афкору арзишҳои инсондӯстонаи миллати сарбаланди тоҷик халал ворид шавад. Ҷавононе, ки ваҳшиёна ба ин амали номатлуби ғайриинсонӣ даст задаанд, аслан ҷавонони ғофил аз худшиносиву бехабар аз арзишҳои миллии худ мебошанд ва Ташкилоти ҷамъиятии ҷавонон «Созандагони Ватан» ҷонибдори он аст, ки онҳо тибқи қонун ба ҷавобгарӣ кашида шуда, сазовори ҷазои арзанда гарданд, зеро дар давлати дунявӣ, ки Конститутсия озодии инсон ва шаҳрванд, озодии виҷдонро кафолат додааст, ҳеҷ кас ҳуқуқ надорад ба озодии касе таъсир расонад.Аз номи Ташкилоти ҷамъиятии ҷавонон «Созандагони Ватан» ба кулли наздикону пайвандони Парвиз Давлатбеков арзи тасаллият баён намуда, ба онҳо аз даргоҳи поки яздон сабри ҷамил хоҳонем.  

Январь 3, 2012 17:05

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд