Тағироти нави кадрӣ дар ҳайати Ҳукумати ҶТ

Душанбе, 24 январ. (АМИТ «Ховар»).-Имрӯз бо фармонҳои Президенти Ҷумҳурии Тоҷикистон вазири рушди иқтисод ва савдои ҶТ Ҳамралиев Фаррух Маҳмудович бо сабаби ба кори дигар гузаштанаш аз вазифаи вазири рушди иқтисод ва савдои ҶТ, Шариф Раҳимзода бо сабаби ба кори дигар гузаштанаш аз вазифаи раиси Бонки миллии Тоҷикистон, Ширинов Абдуҷаббор бо сабаби ба кори дигар гузаштанаш аз вазифаи сафири фавқулодда ва мухтори ҶТ дар Штатҳои Муттаҳидаи Америка, Ҳақназаров Тӯрақул Имомович бо сабаби ба кори дигар гузаштанаш аз вазифаи муовини раиси Бонки миллии Тоҷикистон озод карда шуданд. Худи ҳамин рӯз бо фармонҳои Президенти ҶТ Эмомалӣ Раҳмон Ҳамралиев Фаррух Маҳмудович ба вазифаи мушовири давлатӣ оид ба сиёсати иқтисодӣ, Шариф Раҳимзода ба вазифаи вазири рушди иқтисод ва савдои ҶТ ва Ширинов Абдуҷаббор ба вазифаи раиси Бонки миллии Тоҷикистон таъйин карда шуданд.