Таҳияи барномаи рушди соҳаи саноат дар Тоҷикистон

Душанбе, 26 январ. (АМИТ «Ховар», Дилшодаи Хайруллоҳ). – Имрӯз бо мақсади иҷрои супориши Президенти ҶТ Эмомалӣ Раҳмон вобаста ба таҳияи «Барномаи рушди соҳаи саноати Тоҷикистон барои солҳои 2012-2013» дар ҳузури Сарвазири Ҷумҳурии Тоҷикистон Оқил Оқилов машварати корӣ баргузор гардид.Оқил Оқилов таъкид намуд, ки соҳаи саноат бахши афзалиятноки иқтисодиёти мамлакат ба ҳисоб рафта, мавриди таваҷҷӯҳи хоссаи роҳбарияти давлату Ҳукумати Тоҷикистон қарор дорад.Роҳбарони вазорату идораҳои бахши иқтисодию саноатии мамлакат вазифадор карда шуданд, ки дар кӯтоҳтарин мӯҳлат лоиҳаи барномаи «Барномаи рушди соҳаи саноати Тоҷикистон барои солҳои 2012-2013»-ро таҳия карда, ба Ҳукумати ҶТ пешниҳод намоянд ва барои ба кор андохтани корхонаҳои саноатии аз фаъолият бозмондаи ҷумҳурӣ ҷалби сармояи дохилию хориҷиро ба роҳ монанд. Роҳбарони бонкҳои мамлакат вазифадор шуданд, ки барои додани қарзҳои имтиёзнок ба соҳибкорон шароити зарурӣ фароҳам оранд.