Табибони Русия шаҳрвандони моро шифо мебахшанд

Душанбе, 13 январ. (АМИТ «Ховар», Лутфия Эшонқулова). – Корманди Намояндагии Хадамоти муҳоҷирати назди Ҳукумати ҶТ дар ФР Азиз Халилов бо супориши роҳбарияти хадамот аз маркази бемориҳои сӯхтании шаҳри Маскав дидан кард. Дар ин беморхона шаҳрвандони Тоҷикистон, ки ҳангоми сӯхтор дар тарабхонаи «Pittore» — и шаҳри Маскав осеб дида буданд, муолиҷа мешаванд. Мувофиқи суханони манбаъ, бар асари сӯхтор ҳуҷҷатҳои шаҳрвандони Тоҷикистон оташ гирифта ва онҳо хоҳиш намуданд, ки барои барқарор намудани онҳо мадад расонида шавад. Намояндагӣ иҷрои ин корро ба ӯҳда гирифтааст.