Тасдиқи санадҳои байналмилалӣ
Душанбе, 19 январ.(АМИТ «Ховар», Марзия Саидова).- Вакилони палатаи поёнии парлумони мамлакат 19 январ дар ҷаласаи навбатии иҷлосияи сеюми Маҷлиси намояндагон, ки дар ҳузури Шукурҷон Зуҳуров, Раиси палатаи поёнии парлумон мамлакат баргузор шуд, шаш санади байналмилалиро, ки аз Конвенсия ва Созишномаҳо иборатанд, тасдиқ карданд. Тасдиқи санадҳои мазкур ба рушди минбаъдаи иқтисодиёти миллии ҷумҳурӣ нақши муассир мегузорад. Ҳамзамон вакилон чор лоиҳаи қарори Маҷлиси намояндагонро баррасӣ ва қабул намуданд. Дар асоси онҳо Акрамшо Фелалиев аз ҳайати Кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот бароварда шуда, узви Кумитаи Маҷлиси намояндагон доир ба қонунгузорӣ ва ҳуқуқи инсон интихоб гардид. Инчунин, ваколати вакил Ҳаёт Одинаев пеш аз мӯҳлат қатъ карда шуда, аз ҳайати Кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ бароварда шуд. Бояд зикр кард, ки вакили номбурдаи Маҷлиси намояндагон 10 январи соли ҷорӣ бо Қарори Ҳукумати Ҷумҳурии Тоҷикистон ректори Донишгоҳи миллии Тоҷикистон таъин гардид.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
