Тасдиқи Созишномаи Гурӯҳи АвруОсиё

Январь 19, 2012 14:12

Душанбе, 19 январ.(АМИТ «Ховар», Марзия Саидова).-Созишномаи Гурӯҳи АвруОсиё оид ба муқовимат ба қонунигардонии даромадҳои бо роҳи ҷиноят ба дастоварда ва маблағгузории терроризм 19 январ аз ҷониби вакилони палатаи поёнии парлумони Тоҷикистон баррасӣ ва тасдиқ гардид. Шариф Раҳимзода, раиси Бонки миллии Тоҷикистон ва Саттор Холов- вакили Маҷлиси намояндагон, зимни ташреҳи санади мазкур гуфтанд, ки Созишнома 16 июни соли 2011 дар шаҳри Маскави Федератсияи Русия бо мақсади ҳимояи низоми миллии молиявӣ аз унсурҳои вобаста ба қонунигардонии даромадҳои бо роҳи ҷиноят ба дастоварда ва маблағгузории терроризм миёни тарафҳои аҳдкунанда ба тасвиб расида, аз муқаддима ва 14 модда иборат аст. Мавриди зикр аст, ки Гурӯҳи АвруОсиё доир ба муқовимат ба қонунигардонии даромадҳои бо роҳи ҷиноят ба дастоварда ва маблағгузории терроризм аз ҷониби кишварҳои Иттиҳоди Давлатҳои Мустақил соли 2004 ташкил шудааст. Ҳадаф аз таъсиси ин гурӯҳ ҳамкории давлатҳои аъзои ИДМ дар татбиқи чорабиниҳое, ки аз ҷониби ташкилоти байналмилалии мубориза бар зидди қонунигардонӣ ба муқовимат ба қонунигардонии даромадҳои бо роҳи ҷиноят ба дастоварда ва маблағгузории терроризм вуҷуд дорад, маҳсуб меёбад. Алҳол 35 давлати ҷаҳон аъзои созмони мазкур буда, онҳо аз номи кишварҳои АвруОсиё фаъолияти давлатҳои аъзоро ҷиҳати қабули қонунгузорӣ, ҳамкорӣ ва ташкили низоми мубориза бар зидди қонуникунонӣ ва расмикунонии маблағҳои бо роҳи ҷиноят ба дастоварда танзим мекунанд.

Январь 19, 2012 14:12

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд