Ташкили ярмаркаҳо идома дорад

Кӯлоб, 14 январ.(АМИТ «Ховар», С.Холов). — Соли гузашта дар шаҳру ҷамоатҳои ҳудуди шаҳри Кўлоб 12 маротиба ярмаркаи ҷойҳои кории холӣ гузаронида шудааст. Ба гуфтаи масъулини ҳукумати шаҳри Кўлоб, барои беш аз 3 ҳазор нафар дар бахшҳои мухталифи хоҷагии халқ ҷойҳои кории нав таъсис дода шудааст. Аз ин ҳисоб 162 нафар хоҳишманд тибқи роҳхат бо ҷои кор таъмин шуданд. — Мо дар соли 2012 низ ташкили ярмаркаҳои ҷойҳои нави кориро идома медиҳем ва сокинони бештарро бо ҷои кор таъмин мекунем,-изҳор доштанд масъулини мақомоти марбута дар нишасти матбуотии ҳукумати шаҳри Кўлоб.