Ташрифи Дирк Меганк идома дорад

Январь 26, 2012 11:53

Душанбе, 26 январ. (АМИТ «Ховар», Пайрав Назаров). – Сафари кории ҳайат бо роҳбарии Директори бахши кишварҳои Осиё, Осиёи Марказӣ ва уқёнуси Ором, директори оид ба рушду ҳамкории Комиссияи Аврупо Дирк Меганк дар шаҳри Душанбе идома дорад. Вазорати корҳои хориҷии ҶТ бо мақсади муҳокимаи доираи васеи масъалаҳои ҳамкории дуҷонибаи байни Иттиҳоди Аврупо ва Тоҷикистон, таҳқиқи бахшҳои иқтисод, ҳамчунин муайян намудани самтҳои асосии афзалиятноки ҳамкорӣ барои стратегияи нави Иттиҳоди Аврупо мулоқоту гуфтушуниди ҳайатро бо муовини аввали Сарвазири мамлакат Матлубхон Давлатов, муовини Сарвазир Муродалӣ Алимардон, роҳбари Дастгоҳи иҷроияи Президент Бахтиёр Худоёров, вазири молия Сафаралӣ Наҷмиддинов, вазири тандурустӣ Нусратулло Салимов, вазири меҳнат ва ҳифзи иҷтимоии аҳолӣ Маҳмадамин Маҳмадаминов, вазири мелиоратсия ва захираҳои об Раҳмат Бобокалонов, ҳамчунин бо роҳбарияти Вазорати энергетика ва саноат ва намояндагони Вазорати корҳои хориҷӣ ташкил намуд. Ҳайат дар ҷараёни сафараш бо муовини аввали сардори Сарраёсати қӯшунҳои сарҳадии Кумитаи давлатии амнияти миллӣ генерал – майор Шараф Файзуллоев ва роҳбарони намояндагиҳои ниҳодҳои молиявию бонкии муқими Тоҷикистон мулоқот анҷом доданист. Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.

Январь 26, 2012 11:53

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд