Виктория Азаренко ва Новак Ҷокович-ғолибони Australian Open

Душанбе, 30 январ. ( АМИТ «Ховар», Аловиддин Бӯриев).-Теннисбози машҳури Беларус Виктория Азаренко бори аввал дар таърихи худ барандаи ҷоми кушоди Australian Open оид ба теннис гардид. Дар вохӯрии ниҳоӣ ӯ тавонист ситораи тенниси рус- Мария Шараповаро дар ду баст( 6:3, 6:0) мағлуб намуда, ба пирӯзи комёб шавад. Баъди ин ғалаба Виктория дар феҳристи WTA ба ҷои аввал баромад ва ҳамакнун дар байни занон теннисбози якуми ҷаҳон ба хисоб меравад. Мария Шарапова дар зиннаи сеюми феҳристи ҷахонист.Байни мардон дар вохӯрии ниҳоӣ Новак Ҷоковичи серб бар Рафаел Наддали испанӣ дар панҷ сет ғалабаи душвори худро(5:7, 6:4, 6:2, 6:7 (5-7), 7:5) ба даст оварда, чемпион шуд. Ин вохӯрӣ тақрибан шаш соат давом кард ва он ҳамчун рекорд дар давомнокии вохӯриҳои ниҳоӣ ба қайд гирифта шуд.