Занҳои роҳбарикунанда аниқ шуданд
Душанбе, 24 январ. (АМИТ «Ховар», Лаззат Диловарзод).- Дар нишасти матбуотие, ки Кумитаи кор бо занон ва оилаи назди Ҳукумати ҷумҳурӣ доир намуд, раиси кумита Сумангул Тағоева иброз дошт, ки дар соли 2011 ба 928 нафар зан ёрии ҳуқуқӣ, ба 545 нафар ёрии равонӣ ва ба 874 нафар ҳимоятгар (адвокатҳо) хизмати ройгон расонида шуд. Аз ҳама муҳим, тибқи фармони Президенти ҷумҳурӣ «Дар бораи баланд бардоштани мақоми зан дар ҷомеа» «Барномаи тарбия, хоста гирифтани кадрҳои роҳбарикунанда аз ҳисоби занҳои боистеъдод барои солҳои 2007 – 2015» шумораи занҳои ба корҳои роҳбарикунанда пешбаришуда афзоиш ёфт. Ба гуфти С. Тағоева, дар айни замон шумораи умумии занҳое, ки дар сохторҳои давлатӣ фаъолият доранд, ба 4 ҳазору 493 нафар расидааст, ки он 24, 8 фоизи кадрҳои роҳбарикунандаро ташкил медиҳад. Кумита дар ҳамкорӣ бо Институти такмили ихтисоси хизматчиёни давлатӣ ба курсҳои таълимии «Зан — роҳбар» 54 нафар зани болаёқатро, ки дар сохторҳои гуногуни мақомоти иҷроияи ҳокимияти давлатии вилоят ва шаҳру навоҳии ҷумҳурӣ фаъолият мекунанд, ҷалб намуд. Он чи ки имрӯз боиси норозигии атрофиён гардидааст, ахлоқи косташудаи як қисм духтарони ноболиғ аст, ки бо баъзе сабабҳо аз ҳамсолони худ қафо мондаанд. Чизи дигаре, ки боиси нигаронӣ гардидааст, зиёд шудани шумораи занҳои талоқшуда мебошад, ки қисми зиёди онҳо соҳиби фарзандони ноболиғ мебошанд. Аммо гуфта нашуд, ки ҳоло Кумитаи кор бо занон ва оилаи назди Ҳукумати ҷумҳурӣ барои рафъи ин ҳодисаҳои номатлуб чӣ нақшаеро рӯи кор овардааст. Тавассути бонкҳои ҷумҳурӣ барои рушди соҳибкорӣ ва кам кардани шумораи занони бекор 519 млн. сомонӣ ҷудо гардид ва садҳо зан ба корҳои соҳибкорӣ ва гендерӣ фаро гирифта шуданд,- таъкид шуд дар нишасти матбуотӣ.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






