100 – солагии матбуоти тоҷик таҷлил мешавад

Февраль 27, 2012 11:15

Хоруғ, 27 феврал. (АМИТ «Ховар», Л.Додо ). – Дар машварате, ки дар ҳузури муовини аввали раиси вилоят Исмоил Орифшоев бо иштироки кормандони масъули дастгоҳи раиси вилоят ва роҳбарони воҳидҳои сохторҳои марбутаи вилоят доир гардид, ҷараёни омодагӣ ба Рӯзи матбуоти тоҷик мавриди баррасӣ қарор гирифт. Исмоил Орифшоев иброз дошт, ки матбуоти тоҷик ҷузъи тамаддуну фарҳанги мардуми мо маҳсуб ёфта ва имсол 100 – сола мешавад. 100 сол пеш, 11 марти соли 1912, аввалин шумораи рӯзномаи тоҷикӣ бо номи «Бухорои шариф» нашр гардида, ба рушди давлатдории тоҷикон ва таъриху фарҳанги онҳо нақши хоса гузошт. Тавре мудири шӯъбаи рушди иҷтимоиёт ва кор бо ҷомеаи дастгоҳи раиси вилоят Ҷонибек Қозибеков иттилоъ дод, барои таҷлили иди Наврӯз низ нақшаи мушаххас рӯи кор омадааст. Тибқи ин нақша дар шаҳри Хоруғ роҳандозӣ намудани ҷамъомади тантанавӣ бо иштироки рӯзноманигорон, намояндагони ҳамаи табақаҳои ҷомеа, ҳамчунин чорабиниҳои фарҳангӣ дар назар аст.

Февраль 27, 2012 11:15

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд