Ғолибони озмуни «Турнаҳо дар осмони Русия»
Душанбе, 23 феврал. (АМИТ «Ховар», Людмила Дубинина). – Дар фестивал – озмуни дуюми байналмилалии суруду ашъор таҳти унвони «Турнаҳо дар осмони Русия», ки аз 18 то 20 феврал дар шаҳри Маскав баргузор гардид, намояндагони 10 кишвари аъзои ИДМ, аз ҷумла намояндагони Тоҷикистон иштирок доштанд.Аз ҷониби Тоҷикистон дар озмун Манучеҳр Раҳмонов, Комрон Содиқов, Темур Гезаитов ва Алишер Хушвахтов ширкат доштанд. М.Рҳмонов ва К.Содиқов донишҷӯёни Консерваторияи миллии Тоҷикистон ба номи Т.Сатторов мебошанд.Дар номинатсияи «Ватанро васф мекунем» ҷойи аввалро донишҷӯи Консерваторияи миллии Тоҷикистон Комрон Содиқов ишғол намуд. Дар номинатсияи «Суруши Зафар дар қалби мост» Манучеҳр Раҳмонов ҷойи сеюмро касб намуд.Мукофоти махсуси ҳакам дар номинатсияи «Дӯстие, ки моро зидди фашизм муттаҳид сохт» насиби шогирди мактаби бачагонаи санъати ноҳияи Варзоб Чеҳрон Салимов гардид. Раиси Кумитаи тадорукотии озмун, ректори Донишгоҳи давлатии фарҳангу санъати Маскав, профессор, доктори илми фалсафа, Ходими шоистаи илми ФР Рамазон Абдулатифов ғолибони озмунро муборакбод намуд. Ректори Консерваторияи миллии Тоҷикистон Раҷабмад Амиров ба раиси мақомоти иҷроияи ҳокимияти давлатии шаҳри Турсунзода Давлатшо Гулмаҳмадов ва директори фурудгоҳи байналмилалии шаҳри Душанбе Р. Холиқовро барои дастгирии донишҷӯён ҷиҳати иштирок дар ин фестивал — озмуни бонуфузи байналмилалӣ изҳори миннатдорӣ кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






