Қариб 200 кас дар барфтӯда банд шудааст
Душанбе, 21 феврал. (АМИТ «Ховар», Лутфия Эшонқулова). – Шоми 20 феврал қариб 200 нафар, 13 мошини сабукрав ва 70 мошини боркаш дар барфтӯдаи роҳи мошингарди Душанбе – Хуҷанд банд шуд. Дар ин бора котиби матбуоти Кумитаи ҳолатҳои фавқулодда ва мудофиаи шаҳрвандии назди Ҳукумати ҶТ Ориф Нозимов ба АМИТ «Ховар» хабар дод.Мувофиқи суханони мавсуф, субҳи имрӯз ҳукумати кишвар ва Кумитаи ҳолатҳои фавқулодда барои шахсоне, ки дар барфтӯда банд шудаанд, маводи зарурии ғизоӣ фиристоданд. Алҳол 9 адад техникаи барфғундор роҳи мошингардро тоза мекунад. Ҳамзамон гурӯҳи махсуси корӣ ташкил ёфтааст, ки ба он намояндагони Кумитаи ҳолатҳои фавқулодда шомиланд. Тавре Ориф Нозимов зикр намуд, мувофиқи маълумоти навтарин, дар ин роҳи мошингард касе ҳалок нашуда ва осеб надидааст.Кумитаи ҳолатҳои фавқулодда ва мудофиаи шаҳрвандӣ аз шаҳрвандон боисрор хоҳиш менамояд, ки дар давоми ду рӯзи наздиктарин аз сафар тавассути ин роҳ худдорӣ кунанд.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
