Ҷинояткор дастгир шуд

Душанбе, 20 феврал. (АМИТ «Ховар», Лутфия Эшонқулова). – Дар ҷараёни амалиёти фаврӣ дар ҳудуди пойтахт ҳодисаи навбатии хилофи қонун нигоҳ доштани аслиҳа ошкор гардид.Тавре аз маркази матбуоти ВКД ба АМИТ «Ховар» хабар доданд, дар чорраҳҳаи Саъдии Шерозӣ ва Ҳофизи Шерозӣ аз автомобили ронандаи сокини 32 солаи шаҳри Душанбе таппончаи пневматӣ дарёфт шуд.Маълум гардид, ки шахси дастгиршуда иҷозати бо худ гирифтани ин аслиҳаро надоштааст. Мувофиқи маълумоти ВКД ҶТ, соли 2011 – ум 1 ҳазору 63 адад аслиҳа, аз ҷумла 184 автомат, 156 таппонча, 131 тӯфангу карабини шикорӣ ва ғайра мусодира гардид.