Бақайдгирии муҳоҷирати шаҳрвандони Тоҷикистон

Душанбе, 1 феврал. (АМИТ «Ховар», Покиза Маҳмадбекова). — Имрӯз сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев бо директори Агентии омори назди Президенти ҶТ Бахтия Муҳаммадиева ҷараёни иҷрои қарори Ҳукумати Тоҷикистонро «Дар бораи бақайдгирии муҳоҷирати шаҳрвандони Ҷумҳурии Тоҷикистон ба хориҷа ва бозгашт аз хориҷа» муҳокима намуданд. Ба мухбири АМИТ «Ховар» аз маркази матбуоти Хадамоти муҳоҷират иттилоъ доданд, ки зимни мулоқот тарафҳо доир ба ташкили гурӯҳи корӣ барои ба роҳ мондани назорати қатъӣ ва дақиқи омадурафти муҳоҷирони меҳнатӣ дар нуқтаҳои наздисарҳадӣ, истгоҳҳои роҳи оҳан ва ҳавоии Ҷумҳурии Тоҷикистон ба мувофиқа расиданд.