Ба Тоҷикистон ёрии башардӯстона расид

Душанбе, 15 феврал. (АМИТ «Ховар», Лаззат Диловарзод).-Бино ба маълумоти Агентии омори назди Президенти Ҷумҳурии Тоҷикистон дар моҳи январ ба Тоҷикистон аз 17 мамлакати хориҷи дуру наздик ба маблағи 50 млн. 520 ҳазор доллар ёрии башардӯстона ворид гардид.Ба иттилои манбаъ, дар моҳи январ ба миқдори 2 ҳазору 524 тонна молу маҳсулот ворид шудааст. Аз ҷумла, ба миқдори 2 ҳазору 300 тонна орд, 41 тонна равғани растанӣ, ба маблағи 3 млн. 108 ҳазор доллар доруворӣ, ҳамчунин маҳсулоти озуқа, кӯрпаю болишт, дастгоҳҳои тиббӣ, асбобҳои маишии электронӣ, таҷҳизоти компютерӣ ва дигар маводи зарурии рӯзгор ворид шудааст.Аз ҷумлаи мамлакатҳои ёрирасон таносуби бештар аз рӯи арзиши ёрии башардӯстона ба Миср -41,6 фоиз, Нидерландия -14,8, Эрон -7,3, Дания -6,5, Малайзия-2,4, Австралия – 1,6 ва ба Латвия 1,4 фоиз рост меояд.