Барномаи нави Хазинаи байналмилалии асъор
Душанбе, 22 феврал. (АМИТ «Ховар», Лаззат Диловарзод).- Тибқи иттилои хадамоти матбуоти Вазорати рушди иқтисод ва савдои ҶТ, дар доираи татбиқи барномаи «Механизми қарзи васеъ», ки Хазинаи байналмилалии асъор (ХБА) барои Тоҷикистон роҳандозӣ намудааст, 165 млн. доллар ҷудо гардидааст. Барномаи мазкур моҳи апрели соли 2009 аз ҷониби Шӯрои иҷроияи ХБА барои се сол (2009 -2012) қабул шуда буд. Мақсад аз таъсиси барнома рушди соҳаҳои мухталифи иқтисодиёти миллии Ҷумҳурии Тоҷикистон аст. Дар доираи татбиқи барномаи мазкур Ҷумҳурии Тоҷикистон аллакай 141 млн. доллари хазинаро ба даст оварда, маблағи боқимондаи барномаро, ки аз 24 млн. доллар иборат аст, моҳи апрели соли ҷорӣ дастрас мекунад. Аҳамияти ин маблағи қарзӣ аз он иборат аст, ки он барои истифодабарандагонаш бефоиз буда, ба мӯҳлати 10 сол пешбинӣ шудааст.Дар айни замон ҳайати ХБА дар шаҳри Душанбе қарор дорад. Ҳайати ХБА дар вохӯрие, ки бо вазири рушди иқтисод ва савдо Шариф Раҳимзода дошт, иттилоъ дод, ки ХБА барномаи нави худро моҳи апрели соли ҷорӣ оғоз мекунад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
