Баррасии таҷдиди иқтидорҳои Қайроққум
Душанбе, 17 феврал. (АМИТ «Ховар», Бекназари Абӯбакр). — Масоили вобаста ба татбиқи лоиҳаи барқарорсозӣ ва таҷдиди НБО-и Қайроққум зимни мулоқоти раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов бо раиси намояндагии Бонки таҷдид ва рушди Аврупо дар Тоҷикистон Улф Хиндстром ва бонкдори намояндагии мазкур Фирӯз Каттаев баррасӣ гардид.Дар ҷараёни мулоқот тарафҳо ҳалли масъалаҳои марбут ба татбиқи лоиҳаи мазкурро муҳокима намуда, баён доштанд, ки ҷиҳати ҳарчи тезтар мувофиқа намудан ва пазируфтани асосноккунии техникии иқтисодии лоиҳа тадбирҳои зарурӣ андешанд. Мавриди зикр аст, ки лоиҳаи барқарорсозӣ ва таҷдиди НБО-и Қайроққум ба рӯйхати лоиҳаҳои афзалиятнок дар соҳаи энергетикаи Ҷумҳурии Тоҷикистон барои солҳои 2010-2015, ки бо қарори Ҳукумати Ҷумҳурии Тоҷикистон аз 29 майи соли 2010 №280 тасдиқ шудааст, шомил мебошад ва татбиқи он аз ҳисоби Бонки таҷдид ва рушди Аврупо амалӣ хоҳад шуд.Ҳамзамон дар мулоқот ҷараёни татбиқи лоиҳаи таҷдиди роҳи автомобилгарди Душанбе – Турсунзода (сарҳади Ҷумҳурии Ӯзбекистон), ки аз ҳисоби маблағҳои грантиву қарзии Бонки рушди Осиё ва Бонки таҷдид ва рушди Аврупо маблағгузорӣ хоҳад шуд, баррасӣ гардид.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
