Беморхонаи марказии шаҳраки Шайдон

Суғд, 16 феврал. (АМИТ «Ховар», М.Амонов ). – Бо маблағгузории Ҳукумати ҷумҳурӣ сохтмони беморхонаи марказии шаҳраки Шайдони ноҳияи Ашт, ки соли 1990 қатъ гардида буд, азнав оғоз ёфт. Беморхона аз 3 ошёна иборат буда, дорои 150 кат аст. Барои сохтмони он 4 миллион сомонӣ маблағ ҷудо гардидааст.Сохтмони беморхонаро ҶММ «Файз», ҶММ «Парвина», ширкати «Яҳё Компания» ба ӯҳда гирифтанд ва дар айни ҳол корҳои васлу насби ноқилҳои барқӣ, қубурҳои обу ташноб ва гармидиҳӣ идома доранд.