Беш аз 200 кг маводи нашъаовар мусодира шуд

Душанбе, 17 феврал. (АМИТ «Ховар», Лутфия Эшонқулова). – Мақомоти ҳифзи ҳуқуқи ҷумҳурӣ аз оғози сол беш аз 200 кг маводи нашъаоварро аз муомилоти ғайриқонунӣ бароварданд.Мувофиқи маълумоти маркази матбуоти Вазорати корҳои дохилии Ҷумҳурии Тоҷикистон, тайи шабонарӯзҳои гузашта дар ҷараёни амалиёти фаврӣ дар ноҳияи Рӯдакӣ ду нафар – сокини пойтахт ва ҷамоати Ҷангалобод, ҳамчунин сокини 40 солаи ҷамоати Зайнобод дастгир шуданд. Аз шахсони зикршуда беш аз 5 килограмм маводи нашъаовар, аз ҷумла 4 килограмму 550 грамм ҳашиш ва 498 грамм афюн мусодира гардид.Аз рӯи ин ҳодиса парвандаи ҷиноӣ кушода, тафтишот идома дорад.