Боз 60 автомобил дар байни барфтӯда мондааст

Душанбе, 22 феврал. (АМИТ «Ховар», Лутфия Эшонқулова). – Бар асари фуромадани тарма дар 71 километрии роҳи мошингарди Душанбе — Хуҷанд як нафар ҳалок гардид. Мувофиқи хабари маркази матбуоти Кумитаи ҳолатҳои фавқулодда ва мудофиаи граждании назди Ҳукумати ҶТ, 21 феврал автомобили ронандаи 41 сола Нуралӣ Бобоев – сокини ноҳияи Ҷиликӯл, зери тарма монда ва дар натиҷаи ин ронандаи мошин ҳалок шуд. Назар ба маълумоти охирин, дар ҳоли ҳозир ҳамаи қитъаҳои роҳи мошингарди Душанбе — Хуҷанд сар аз километри 64 – ум барои ҳаракати нақлиёт баста шудаанд.Хадамоти роҳ ва гурӯҳи махсус корро барои тоза кардани барф давом медиҳанд. Мувофиқи маълумоти маркази обуҳавосанҷӣ, баланди барф дар ин ҷо 22 сантиметрро ташкил медиҳад.