Бозиҳои интихобии олимпӣ дар қитъаи Осиё

Душанбе, 22 феврал. ( АМИТ «Ховар», Аловиддин Бӯриев).- Дирӯз дастаи мунтахаби олимпии Ӯзбекистон, ки дар марҳилаи сеюми бозихои интихобии олимпӣ ҳунарнамоӣ дорад, аз дастаи олимпии Ироқ бо ҳисоби 1 бар 2 мағлуб шуд. Ин вохӯрӣ дар варзишгоҳи «Ал-Арабӣ»-и шаҳри Давҳа барпо гардид. Агар футболбозони Ӯзбекистон ғолиб меомаданд, метавонистанд роҳхатро пеш аз мӯҳлат ба бозиҳои Олимпии Лондон соҳиб шаванд. Аммо акнун ин мақсад аз натиҷаи бозии байни дастаҳои Аморот ва Австралия, ки имрӯз барпо мегардад, вобастагии калон дорад. Ёдрас мешавем, ки дар қитъаи Осиё дар чор гурӯҳ ҳамоно мубориза барои роҳхатҳои олимпӣ идома дорад ва то анҷом 2 даври дигар боқӣ мондааст.