Дар ҷумҳурӣ омади сел дар назар аст

Душанбе, 24 феврал. (АМИТ «Ховар», Лутфия Эшонқулова). – Аз 25 феврал то 2 март ҳавои водиҳо то 10 – 15 дараҷа ва ҷануби кишвар то 20 дараҷа гарм хоҳад шуд.Тавре аз Маркази ҳавосанҷии кишвар ба АМИТ «Ховар» хабар доданд, 27 феврал ва 1 март дар водиҳо ва минтақаҳои кӯҳдоман борон шуда, дар кӯҳсор барф меборад. Мувофиқи маълумоти манбаъ, баландшавии ҳарорати ҳаво боиси обшавии босуръати барф мегардад. Дар ҳамаи кӯҳсори ҷумҳурӣ фуруди тарма дар назар аст. Дар ноҳияҳои тобеи ҷумҳурӣ ва вилоятҳои Суғду Хатлон шояд сел ояд.