Дар Душанбе Пушкинро ёд мекунанд

Душанбе, 9 феврал. (АМИТ «Ховар», Людмила Дубинина). – 10 феврал дар Маркази илму фарҳанги русиягии Намояндагии ҳамкории Русия дар ҶТ ёдбуди 175 – солагии рӯзи вафоти шоири бузурги рус Александр Сергеевич Пушкин баргузор мегардад. Ин чорабинӣ таҳти унвони «Рӯзи хотираи А.С.Пушкин: Пушкин дунёи мост» роҳандозӣ мешавад. Дар чорабинӣ хонандагони мактабу литсейҳои пойтахт, гимназияи №2 шаҳри Турсунзода, намояндагони Маркази фарҳангию маърифатии вилояти Хатлон, ҳамчунин ғолибони озмуни чоруми ҳарсолаи пушкинхонон байни мактабиён Ситорабону Мусоева ва Станислав Маҳмудов иштирок мекунанд. Ба барномаи чорабинӣ композитсияҳои адабӣ бахшида ба саҳифаҳои ҳаёту эҷодиёти А.С. Пушкин дохил карда шудаанд.