Дастрасӣ ба бозорҳои минтақавии Иттиҳоди гумрукӣ
Душанбе, 7 феврал. (АМИТ «Ховар», Пайрав Назаров). – Аз 6 то 9 феврал дар шаҳри Хуҷанд ду иҷлосияи иттилоотӣ бахшида ба масъалаҳои дастрасӣ ба бозорҳои минтақавии Иттиҳоди гумрукӣ (Русия,Қазоқистон ва Беларус) ва усулҳои интиқоли меваи хушк, чормағз ва асал баргузор мегардад. Тавре аз намояндагии Иттиҳоди Аврупо дар ҶТ ба АМИТ «Ховар» хабар доданд, ин чорабиниро намояндагии Hilfswerk Austria International дар Тоҷикистон бо ҳамкории маъмурияти Минтақаи озоди иқтисодии «Суғд» бо мадади молиявии Иттиҳоди Аврупо дар чаҳорчӯбаи барномаи Осиёи Марказӣ — Инвест П, лоиҳаи «Муносибати ҳамгироёна ба рушди корхонаҳои хурду миёнаи Осиёи Марказӣ оид ба коркарди чормағз, меваи хушк ва асал» роҳандозӣ мекунад. Мақсад аз ин лоиҳа рушди ҳамаҷонибаи бахши коркарди маҳсулот дар Осиёи Марказӣ, таҳким бахшидани тиҷорати махсус тавассути корхонаҳои хурду миёна мебошад.Иҷлосияҳо таҳти раёсати коршиноси байналмилалӣ оид ба логистика ва савдои байналмилалӣ Олег Самухин доир мегарданд.Мақсад аз ин чорабинӣ афзун намудани нерӯи содиротии тавлидкунандагони корхонаҳои хурду миёнаи саноати хӯроквории Тоҷикистону Қирғизистон аст.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






