Ду медали боксчиёни тоҷик

Февраль 2, 2012 12:54

Душанбе, 2 феврал. ( АМИТ «Ховар», Аловиддин Бӯриев).- Дар шаҳри Бишкеки ҷумҳурии Қирғизистон мусобиқаи байналмилалӣ доир ба бокс барои ҷоизаи қаҳрамони Иттиҳоди Шӯравӣ Дуйшенқул Шапоков ба анҷом расид. Дар он боксчиёни тоҷик дар қатори варзишгарони давлатҳои Русия, Қазоқистон, Чин, Ӯзбекистон ва Қирғизистон ҳунарнамоӣ карда, ба гирифтани ду медали нуқра шарафёб гаштанд. Дар вазни 75 килограмм Собирҷон Назаров муваффақ шуд, ки бар муштзани қазоқ Майрам Пейрдишоев (5:0), қирғиз Исломҷон Далибоев(8:6) ва боксчии чинӣ Ершат Анвар бо бартарии комил ғалаба карда, ба вохӯрии финалӣ роҳ ёбад. Дар вохӯрии финалӣ дар рақобат бо боксчии қазоқ Абуязит Угурчиев боксчии мо лат бардошт ва аз давом додани мусобиқа бо дастури духтурон барканор шуд. Ӯ дар натиҷа соҳиби мақоми дуввум гардид. Меҳроҷиддин Каримов дар вазни аз 91 боло ҳунари зебо нишон дода, бар ҳарифони худ Дилшод Қайсар ( Чин,9:6) Уланбек Набиев (Қирғизистон, бартарии комил) ва Рустам Ригебав (Қазоқистон,8:6) ғалаба карда, дар финали бозиҳо аз Акбар Юсупов бо натиҷаи 5 бар 4 мағлуб шуд ва ӯ низ соҳиби медали нуқра гардид. Муштзанҳои дигари мо Ҳабиб Мародасейнов (52кг), Ораз Афзалшоев (60) ва Алиҷон Мирзоев(64), ки аз нахустин ҳарифон мағлуб шуданд, имконияти ба ҷойхои ифтихорӣ комёб шуданро аз даст доданд.

Февраль 2, 2012 12:54

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд