Файзи канали калони Ҳисор

Ҳисор, 16 феврал. (АМИТ «Ховар», Ҳотам Рабиев).- Имсол аз рӯзи ба кор оғоз кардани канали калони Ҳисор 70 сол сипарӣ мегардад. Дарозии канал 50 километр буда, аз дарёи Душанбе то дарёи Қаратоғро дар бар мегирад.Ин канал дар арафа ва солҳои душвори Ҷанги Бузурги Ватанӣ аз соли 1940 то 1942 аз ҷониби зиёда аз 40 ҳазор нафар ҷавонону пирону занон бо белу замбару каланд канда шуда буд. Баъди ба кор оғоз кардани ин канал зиёда аз 35 ҳазор гектар замини водии Ҳисор ва вилояти Сурхондарёи Ҷумҳурии Ӯзбекистон бо об таъмин шуданд.Солҳои охир тоза кардани канал аз лойқа, кандани баъзе дарахтони нодуруст шинондашуда ва тоза нигоҳ доштани оби он аз мушкилоти асосии мутахассисон ва кормандони идораи калони канали Ҳисор маҳсуб меёбад.