Фавти ду нафар бар асари сӯхтор дар Бохтар

Душанбе, 27 феврал.(АМИТ «Ховар», Назрулло Асозода).- 23 феврал соати 08:50 дақиқа дар манзили шаҳрванд Неъматуллоев Нозим, соли таваллудаш 1984, сокини кӯчаи Н. Зарифҷони ноҳияи Бохтари вилояти Хатлон сӯхтор ба амал омадааст. Дар натиҷаи сӯхтор дар масоҳати 43 метри мураббаъ молу ашёи хона сӯхта, ба маблағи 10 500 сомонӣ зарар расидааст. Инчунин кӯдакони ноболиғ Неъматуллоева Оишамо, соли таваллудаш 2008 ва Неъматуллоева Робия, соли таваллудаш 2009 ҷароҳати вазнини ҷисмонӣ бардошта, дар беморхонаи ноҳия ба ҳалокат расидаанд. Тахмин меравад, ки сабаби сар задани сӯхтор беназоратии дудбарои печ будааст. Гунаҳгори ҳодисаи сӯхтор соҳибхона Неъматуллоева Покизамо (соли таваллудаш 1985, сокини ҳамонҷо, бекор) мебошад. Дар ин бора ба АМИТ «Ховар» котиби матбуотии Вазорати корҳои дохилӣ Маҳмадулло Асадуллоев хабар дод.