Гуфтугӯи телефонии вазирони ВКХ Тоҷикистон ва Афғонистон

Душанбе, 8 феврал. (АМИТ «Ховар», Пайрав Назаров). – 7 феврал гуфтгугӯи телефонии вазири корҳои хориҷии Тоҷикистон Ҳамрохон Зарифӣ бо вазири корҳои хориҷии Афғонистон Залмай Расул баргузор гардид.Ҳ.Зарифӣ дар ҷараёни сӯҳбат ба ҳамтои афғонаш барои мусоидат ба озод намудани шаҳрванди Тоҷикистон Яков Тсой, ки дар маҳбаси Афғонистон қарор дошт, изҳори миннатдорӣ кард.Сипас вазирони корҳои хориҷии ҳар ду кишвар масъалаи омодагӣ ба доир намудани конфронси панҷуми ҳамкории иқтисодии минтақавӣ оид ба Афғонистонро, ки бояд 26 – 27 март дар шаҳри Душанбе баргузор гардад, мавриди муҳокима қарор доданд. Ҳамчунин масъалаҳои марбут ба лоиҳаҳои минтақавӣ бобати ташкили инфрасохтору коммуникатсияҳо баррасӣ шуданд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.