Гузориши масъулин ба Сарвари давлат
Душанбе, 22 феврал. (АМИТ «Ховар»). — Дирӯз, 21 феврали соли 2012, Президенти кишвар Эмомалӣ Раҳмон ахбори масъулини ҷумҳуриявӣ ва маҳаллиро доир ба оқибатҳои боришоти зиёди барфу борони рӯзҳои охир шунида, ба амалӣ намудани чораҳои саривақтӣ супоришҳои мушаххас дод.Доир ба ҳолати роҳҳои мошингард ва дигар соҳаҳои осебпазир ба Сарвари давлат Эмомалӣ Раҳмон раисони вилоятҳои Суғду Хатлон Қоҳир Расулзода ва Ғайбулло Авзал, Муовини сарвазири кишвар Муродалӣ Алимардон, Вазири нақлиёт Низом Ҳакимов, Вазири кишоварзӣ Қосим Қосимов, раиси Кумитаи ҳолатҳои фавқулодда ва мудофиаи гражданӣ Хайриддин Абдураҳимов ва раисони ноҳияҳои Айнӣ, Варзоб, Ҷиргатол, Тавилдара, Рашт, Нуробод ва Файзобод ахбор доданд.Президенти кишвар Эмомалӣ Раҳмон дар назди онҳо доир ба сафарбар намудани нерӯву имконоти иловагӣ, ҳарчи зудтар тоза кардани роҳҳои мошингард аз барфу тарма, кӯмак расондан ба одамони дармонда, таъмини онҳо ба хӯроки гарм, барқарор намудани ҳолати маъмулии шабакаҳои нақлиётӣ, таъмини муассисаҳои маорифу тандурустӣ ва ҳифзи иҷтимоии ноҳияҳои баландкӯҳ бо сӯзишворӣ ва маводи ғизоӣ ва ҳамчунин доир ба дастгирии чорводорон барои беталаф аз зимистони тӯлонии имсола баровардани чорво вазифаҳои мушаххас гузошт.Сарвари давлат Эмомалӣ Раҳмон таъкид намуд, ки барои дастгирии мардуми ниёзманди бар асари бориши барфу борони зиёд осебдида аз тамоми имкону захираҳои мавҷуда истифода карда шавад.Дар ин бора ба АМИТ «Ховар» аз Хадамоти матбуоти Президенти ҷумҳурии Тоҷикистон иттилоъ доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






