Харидорони асали тоҷик

Душанбе, 2 феврал. (АМИТ «Ховар», Кристина Эрлих). – Соли 2011 дар Тоҷикистон қариб 3 ҳазор тонна асал ба даст омад. Дар ин бора ба хабарнигори АМИТ «Ховар» дар Корхонаи воҳиди давлатии «Асали тоҷик» — и Вазорати кишоварзии ҶТ хабар доданд.Мувофиқи суханони манбаъ, дар кишвар асали хушсифат ҳосил шуда, истифодабарндагони асосии он сокинони маҳаллӣ мебошанд. «Барои даромади зиёд овардани асал бояд он ба кишварҳои хориҷӣ низ фурӯхта шавад», — изҳор дошт манбаъ. Имрӯз истифодабарандагони хориҷии асали Тоҷикистон кишварҳои Русия, Қазоқистон, Афғонистон ва Эрон ба шумор мераванд. Арзиши як килограмм асал бо нархи яклухт 4 доллари ИМА – ро ташкил медиҳад. Дар назар аст, ки соли 2012 дар кишвар корхонаи нави коркарди асал бунёд гардад.