Инкишофи муносибатҳои дӯстонаи Тоҷикистону Ҷопон
Душанбе, 6 феврал. (АМИТ «Ховар», Лаззат Диловарзод).- Ба иттилои маркази матбуоти раиси Вилояти Мухтори Кӯҳистони Бадахшон, миёни раиси ВМКБ ва намояндаи Оҷонсии Чопон оид ба рушди байналмилалӣ ҷаноби Иида Ҷиро «Лоиҳа оид ба рушди деҳот дар минтақаҳои наздисарҳадии вилоят» ба имзо расид. Лоиҳаи мазкур дар ноҳияҳои ба Афғонистон ҳамсарҳади Бадахшон, аз қабили Ванҷ, Дарвоз, Рӯшон, Ишкошим ва Шуғнон амалӣ мегардад.Ба иттилои манбаъ, амалишавии лоиҳа аз моҳи феврали соли ҷорӣ оғоз ёфта, се сол давом мекунад. Лоиҳа аз ҷониби бунёди тоҷикистонии Оғохон бо маблағи тақрибан 2,8 млн. доллари амрикоӣ, ки аз тарафи Оҷонсии Ҷопон оид ба рушди байналмилалӣ ҷудо мегардад, ба иҷро расонида мешавад. Ба ҳамин монанд як лоиҳаи дигар айни замон дар вилояти Бадахшони Афғонистон бо маблағи 4,2 млн. доллари амрикоӣ аз ҷониби Оҷонсии Ҷопон мавриди иҷро қарор дорад.Бояд ёдовар шуд, ки Оҷонсии Ҷопон аз соли 1991 то имрӯз ба Тоҷикистон 140 млн. доллари амрикоӣ маблағи грантӣ ва ба маблағи 41 млн. доллар кӯмаки техникӣ расонидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






