Истеҳсоли гӯшту шир зиёд шуд
Душанбе, 27 феврал. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҶТ, дар моҳи январ ва 10 рӯзи моҳи феврали соли ҷорӣ ҳаҷми истеҳсоли гӯшт дар ҳамаи сохторҳои хоҷагиҳо 8,5 ҳазор тоннаро ташкил намуд, ки нисбат ба ҳамин давраи соли 2011 ба андозаи 7 фоиз зиёд аст.Тибқи маълумоти манбаъ, истеҳсоли гӯшт дар хоҷагиҳои ВМКБ 14,9 фоиз, вилояти Хатлон 8,8, Суғд 3,5 ва дар ноҳияҳои Нуробод 57,1 фоиз, Рӯдакӣ — 23,8, Ваҳдат – 14,8, Ҷиргатол – 9,5, Варзоб – 9,1, Тоҷикобод – 9,2 ва шаҳри Роғун 5,6 фоиз зиёд шудааст. Ҳаҷми истеҳсоли шир бошад дар моҳи январ ва 10 рӯзи моҳи феврали соли 2012 40 ҳазору 585 тоннаро ташкил додаст, ки нисбат ба ҳамин давраи соли 2011 ба андозаи 4 фоиз зиёд аст. Шир асосан дар хоҷагиҳои аҳолӣ истеҳсол гардида ва , 93,3 фоизи он маҳсули хоҷагиҳои аҳолӣ мебошад.