Кӯмаки суғуртавӣ ба шаҳрвандон

Кӯлоб, 6 феврал. (АМИТ «Ховар», С.Холов ). – Кормандони филиали корхонаи воҳиди давлатии «Тоҷиксуғурта» — и минтақаи Кӯлоб дар давоми соли сипаригардида ба 1924 нафар шаҳрванде, ки амволашон нобуд ё вайрон гардиданд, инчунин ба ҳаёту солимиашон осеб расидааст, ба андозаи 993 ҳазору 533 сомонӣ зарар талофӣ карда шуд,- гуфт ҷонишини сардори филиал Абдуғаффор Давлатов. Ба буҷаи маҳаллӣ 323 ҳазору 62 сомонӣ гузаронида шуд, ки аз ин маблағ 162 ҳазору 828 сомониаш пардохтҳои ҳифзи иҷтимоӣ мебошад. Бо мақсади ҳиссагузорӣ дар ҳуҷҷатҳои стратегияи паст намудани сатҳи камбизоатӣ аз ҳисоби фоидаи ба даст овардаи филиалҳои маҳаллӣ ба ашхоси барҷомонда, бепарастор ва эҳтиёҷманд ба андозаи 16810 сомонӣ кӯмаки молиявӣ расонида шуд.